D’Schüler vun der LCE-Fanfare, déi beim Hämmelsmarsch fir d’Willibrorduskiermes derbäi waren, hunn hiren traditionellen a kulturellen Ausfluch op Köln gemaach. Moies stoung d’Visite vun der Philharmonie mat uschléissendem Besuch vun der Prouf mam “WDR Sinfonieorchester” um Programm. Nomëttes war et dann um Tour iwwert déi verschidde wéi och ganz verschiddenaarteg Chrëschtmäert uechter d’Stad Köln.